Në shtëpinë e Blendi Fevziut, gratë kanë gjithmonë të drejtë

Gazetari i njohur Blendi Fevziu, ishte mbreme i ftuar në emisionin “Shiko kush Luan”, ku foli për karrierën e tij, familjen dhe pasionin më të madh, udhëtimet.

Gjatë bisedës me moderatoren Luana Vjollca, ai tregoi se intervista më e bukur politike në karrierën e tij ka qenë përballja e Fatos Nanos dhe Sali Berishës në vitin 2002.

“Qeveria duhet të ndërrohet dhe në pushtet duhet të vijnë njerëz që mendojnë për vendin dhe prosperitetin”, u shpreh gazetari për gjendjen aktuale politike.

Më pas ai foli për familjen e tij dhe kush është më tolerant në raport me vajzat.

Sigurisht që në shtëpinë e Blendit, gruaja ka gjithmonë të drejtë dhe ai është babi që u thotë vajzave gjithmonë “Po”.

Të ardhmen e vajzave Blendi tha se e sheh jashtë Shqipërisë sepse sipas tij ky është një vend shumë maskilist në raport me femrat.

Sa u përket udhëtimeve që janë edhe pasioni i tij, Blendi tregoi se mund të niset në çdo orë dhe çdo moment në udhëtim.