“Dëgjova një shpërthim dhe…”, nëna tregon tmerrin mes flakëve

Një apartament u përfshi në Banesat Sociale në Shkozë, në katin e 5-të të një pallati. Në banesë ndodheshin çifti i bashkëshortëve dhe tre fëmijët e tyre.

Nëna e tre fëmijëve tregon tmerrin e përjetuar e cila shprehet se zjarri fillimisht ra te kuzhina e më pas u përhap në të gjithë banesën. Ajo tha se burri i saj kishte shkelmuar derën e apartamentit, pasi ishte bllokuar. Mes të tjerash nëna e 3 fëmijëve (me i vogli 6 muajsh) apelon për ndihmë, pasi gjithçka që kishte iu dogj.

“Ne ishim në gjumë dhe u ngritëm të tmerruar. Se pash orën fare me vrap kam ikur. Zjarri ra tek kuzhina kam 4 vjet që jetoj aty. Njëherë ka pasur defekt e ka rregulluar babi im. U dogj gjithçka, s’kam asgjë tjetër tani. Tani shpresoj që të na ndihmoj bashkia. Atë mall që kisha lart, me ato haja bukë. Dhe ato u dogjën. Do ngel kështu tani…(tregon duart)”, rrëfen e tronditur gruaja.