LIGJET E BIZNESIT
Qeveria ka vendosur të zgjasë nga 3 në 5 vite afatin e trajtimit financiar përmes bonusit të qirasë për poseduesit e ndërtimeve pa leje që nuk legalizohen. Ndryshimet janë miratuar me vendimin nr. 813, datë 28 tetor 2026, që ndryshon rregullat për trajtimin e kësaj kategorie.
Sipas vendimit të Këshillit të Ministrave, zgjatja e afatit nga tre në pesë vite parashikohet në disa prej dispozitave të vendimit të mëparshëm, që përcakton mënyrën dhe afatet e trajtimit të poseduesve të ndërtimeve pa leje që nuk mund të legalizohen.
Një tjetër ndryshim i rëndësishëm lidhet me përfituesit ekzistues. Vendimi përcakton se efektet e zgjatjes së afatit për trajtimin financiar në formën e bonusit të qirasë do të shtrihen edhe mbi subjektet që janë njohur si përfituese përpara hyrjes në fuqi të ndryshimeve të reja.
Pra, masa nuk do të zbatohet vetëm për përfituesit e rinj, por edhe për ata që e kanë përfituar më herët bonusin e qirasë.
Për zbatimin e vendimit janë ngarkuar ministritë, njësitë e vetëqeverisjes vendore, entet dhe organet publike, si dhe Agjencia Shtetërore e Kadastrës. Vendimi hyn në fuqi pas botimit në Fletoren Zyrtare.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
