LIGJET E BIZNESIT
Turistët e huaj dhe emigrantët e kthyer në atdhe për pushime kanë rritur kërkesën për mallra e shërbime gjatë muajit gusht. Por pavarësisht kërkesës së rritur, çmimet kanë mbetur thuajse të pandryshuara. Instituti i Statistikave raporton se muajin e kaluar, inflacioni arriti në 3.2%, me një rritje 0.1% kundrejt korrikut. Ndërsa krahasuar me një vit më parë, ky tregues ka shënuar një rritje prej 0.9%. Por rritja e kësaj periudhe shpjegohet edhe me zhvillimet gjeopolitike dhe konfliktet globale, që së fundmi e kanë vendosur Europën përballë rrezikut të një krize të re cmimesh, me shtrenjtimin kryesisht të naftës dhe energjisë.
Grupet që ndikuan në inflacion
Sipas INSTAT, rritja më e madhe e çmimeve në gusht është vënë re në grupet e ushqimeve, transportit dhe qirave. Kështu, grupi “Ushqime dhe pije joalkoolike” u rrit me +0,95 pikë përqindje, pasuar nga grupi “Transporti” me +0,79 pikë përqindje.
Gjithashtu, çmimet e grupit “Qira, ujë, energji elektrike, gaz dhe karburante të tjera” ndikuan me +0,76 pikë përqindje, çmimet e grupit “Mobilje, pajisje shtëpie dhe mirëmbajtje e shtëpisë” me 0,19 pikë përqindje, çmimet e grupit “Restorante dhe shërbime akomodimi” me + 0,13 pikë përqindje, çmimet e grupeve “Pije alkoolike dhe duhan” dhe “Kujdesi personal dhe mallra e shërbime të ndryshme” me +0,12 pikë përqindje secili, çmimet e grupit “Argëtim, sport dhe kulturë” me +0,11 pikë përqindje, çmimet e grupeve “Shërbimi arsimor” dhe “Sigurime dhe shërbime financiare” me +0,07 pikë përqindje secili dhe çmimet e grupit “Shëndeti” me +0,06 pikë përqindje. Nga ana tjetër çmimet e grupit “Veshje dhe këpucë” ndikuan me -0,12 pikë përqindje dhe çmimet e grupit “Informacioni dhe komunikimi” me -0,04 pikë përqindje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
