Zhvillimi i Inteligjencës Artificiale, eksperti i njohur: Me çfarë çmimi për planetin?

Zhvillimi i Inteligjencës Artificiale me ritme frenetike është një realitet i përdotishëm tashmë për të gjithë qytetarët e botës. Por teksa shumë i mëshojnë përfitimeve që sjell kjo teknologji, një studim i fundit evidenton dëmin që IA i shkakton planetit. Këtë studim e ka sjellë në vëmendjen e publikut eksperti i njohur i teknologjisë, Said Dulevic nëpërmjet një postimi në rrjetet e tij sociale.

“Një studim i ri alarmues tregon se industria e inteligjencës artificiale tashmë konsumon më shumë ujë në vit sesa e gjithë sasia e ujit të ambalazhuar që përdoret globalisht. Qendrat gjigante të të dhënave, të nevojshme për modelet e mëdha të AI, përdorin sasi masive uji për ftohje. Pas bumit të AI-t, kostoja mjedisore po bëhet gjithnjë e më e dukshme. Teknologjia po rritet me shpejtësi. Pyetja është: me çfarë çmimi për planetin?”, shkruan Dulevic.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern