Në Tropojë, një nga projektet më të mëdha për energjinë e erës, ja kush e financon

Në Shqipëri do të nisë një nga projektet më të mëdha në Europë për prodhimin e energjisë nga era. Lajmin e ka bërë të ditur zv.kryeministrja, njëherazi ministrja e Energjetikës dhe Infrastrukturës, Belinda Balluku.

Në ditën e dytë të konferencës së ambasadorëve, me temë “Prioritetet ekonomike të Shqipërisë dhe projektet kyçe”, ajo deklaroi se vendi e ka bazuar prodhimin e energjisë vetëm në burime hidro. “Në këto 6 vite kemi arritur të ngrejmë 30% kapacitetet prodhuese të vendit, bazuar në një burim të ri energjetik, siç është dielli. Në muajt në vijim po përgatitemi për një nga projektet më të mëdha në Evropë të prodhimin energjetik eolik, për parkun e erës të vendosur në zonën e Tropojës, që ka nisur të gjitha procedurat e autorizimeve, e financuar nga një nga kompanitë më të mëdha amerikane.

Kjo vepër do t’i shtojë kurorës tonë energjetike një tjetër komponent të gjelbër. Shqipëria sot është duke punuar për të diversifikuar një portofol të disa burimeve të gjelbra”, ka thënë numri dy i  qeverisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern