Tren i ri nate, nga Parisi në Alpe, kjo është mundësia e përsosur për pushime të paharrueshme

Nëse po kërkoni për një udhëtim dimëror të paharrueshëm, por pa lodhjen e përgatitjeve të zakonshme, atëherë mund të jeni me fat këtë vit! Një tren natë i ri, i quajtur Travelski Night Express, do t’ju çojë drejt Alpeve, për t’ju mundësuar të flini në Paris dhe të zgjoheni në luginat e Tignes, Méribel dhe më shumë, brenda disa orësh.

Ky shërbim i ri, i zhvilluar në bashkëpunim me Pegasus Trains dhe Compagnie des Alpes, është një mundësi fantastike për ata që kërkojnë të shpëtojnë nga stresi i transportit dhe përgatitjeve dimërore. Treni do të niset çdo të premte në mbrëmje nga Parisi dhe do të arrijë në destinacionet më të njohura të skive si Courchevel, Les Arcs dhe Val Thorens, duke siguruar një udhëtim pa stres dhe të shpejtë.

Përveç kësaj, treni ofron një paketë all-inclusive që përfshin biletën e trenit, akomodimin dhe edhe pasaportën e skive, me mundësi për të shtuar kurse ski dhe akomodim më luksoz. Ky mund të jetë udhëtimi që keni pritur për të shijuar pushimet dimërore!

Të bëni ski kaq lehtë, epo kush nuk do ta donte këtë?/ TimeOut