LIGJET E BIZNESIT
Vitin e ardhshëm do të nisë projekti i faturimit të energjisë me matësa inteligjentë. Do të instalohen fillimisht 100-200 mijë dhe janë duke u studiuar zonat se ku do të vendosen. Lajmin e ka bërë të ditur Enea Karakaci, administrator i përgjithshëm i OSHEE-së në emisionin A2 Business të gazetares Aurora Sulce.
“Do të instalojmë 100-200 mijë matësa inteligjentë në të gjithë Shqipoërinë. ËShtë një operacion financiar, pasi duhet të negoiojmë një marrëveshje me Agjencinë Franceze të Zhvillimi dhe një operacion Teknik, pasi duhen vendosur këto matësa në ato zona, ku duhet ushtruar dhe po studiojmë zonat. Janë disa varinate që po shihen, nëse duhet të shkojmë në ato zona ku janë humbjet më të mëdha teknike apo për të shkuar në rajone specifike. Jemi duke punuar një studim fizibiliteti bashkë me Agjencinë Franceze të Zhvillimit, që do të na japë mundësinë që të zgjedhim mes këtyre varianteve dhe të vijmë me investimin. Ky është një investim shumë i rëndësishëm, i pari në Shqipëri që ndodh në këtë lloj masiviteti. Bëhet fjalë për vitin 2025 e tutje”, u shpreh Karakaci.
Vendosja e matësave inteligjentë do të shërbejë për uljen e nivelit të humbjeve, tregues që ka zbritur në fund të shtatorit të këtij viti në 17.23%.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
