LIGJET E BIZNESIT
Edhe këtë vit, qeveria do të japë një bonus 5 mijë lekë për pensionistët për festat e funditvitit. Lajmi është bërë i ditur nga kryeministri Edi Rama. Janë mbi 695 mijë pensionistë në të gjithë vendin, dhe 66 mijë të tjerë me pension invaliditeti, të cilët do të përfitojnë nga ky bonus, që do të fillojë të lëvrohet nga dita e nesërme.
“Duke filluar nga dita e nesërme do të fillojë lëvrimi i bonusit të funditvitit për të gjithë 695 mijë e 101 pensionistë prej 5 mijë lekësh të reja.
Edhe pse kemi pasur vështirësi që dihen për ne ka qenë e padiskutueshme që jo vetëm për pensionistët por edhe për 66 mijë të tjerë të kategorive pensionistë që kanë pensione invaliditeti do të akordojmë plus edhe 6 mijë lekë të reja, që shkojnë 110 mijë lekë të vjetra për këta pensionistë si kompensim i nevojshëm dhe i merituar.
Po ashtu do të mbështesim edhe 64 mijë familje me ndihmë ekonomike. Në total është një paketë pre, 4.3 miliardë lekë ose rreth 40 milionë dollarë që vihet në dispozicion të këtyre kategorive më në nevojë të shoqërisë”, deklaroi Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
