Pak kohë më parë, profesori dhe ambientalisti Sazan Guri bëri një deklaratë që shkaktoi bujë.
“Krishti është shqiptar dhe u kryqëzua me plis” , deklaroi ai në një studio televizive.
Kjo thënie u pasqyrua menjëherë mediatikisht.
Sazan Guri u ironizua, sulmua dhe u vu në lojë, megjithatë ai beson dhe ka bindje se diçka e tillë është e vërtetë. Ai pretendon se ka mbi 90 fakte që e pohojnë diçka të tillë.
I ftuar në emisionin “Shqipëria live”, Guri deklaroi se në piktura të lashta në Romë mund të shihet se Krishti shfaqet me plis në kokë, element i njohur që përdoret vetëm në popullin shqiptar.
Ai solli po ashtu shembuj të përdorimit të shqipes në Jeruzalem që vërtetojnë hipotezën e tij.
“Kam shkuar në konferenca, në të gjitha pikturat që janë nga Roma e lashtë, nga periudha e mesjetës Krishti shfaqet me plis. Në Romë është një foto e vjetër ku shfaqen dy karroca nga lojërat, në një karrocë sportistët janë me plis, detyrimisht ilirë, dhe në tjetrën pa plis. Romën e lashtë, atje kishte një karrocë me sportistë me plis, detyrimisht ilirë, dhe një pa plis. Po ashtu, ka fakte për gjuhën. Kur Krishti u kryqëzua dhe Maria shkoi për ta takuar pasi ai u ngjall, ajo tha shqip ‘E pashë Krishtin’,”- tha Guri.
