Hapnin makinat me kaçavidë, e pësojnë hajdutët shqiptarë në Itali

Dy të rinj shqiptarë kanë rënë në prangat e policisë italiane, pasi akuzohen për vjedhje.

Mediat italiane bëjnë me dije se të arrestuarit janë dy 20-vjeçarë, të cilët me kaçavida hapnin makinat gjatë natës dhe i grabisnin.

Arrestimi i shqiptarëve u realizua në rrugët e Viale Brigata Marche, në rrethin Treviso të Santa Maria del Rovere.

Shqiptarët u kapën në flagrancë, teksa po vidhnin dy makina, ata i kishin ndarë punën, njëri vëzhgonte, ndërsa tjetri i hapte me kaçavidë dhe i grabiste.