Deputeti i Partisë Demokratike Tritan Shehu ka reaguar për platformën e kreut të grupit parlamentar Enkelejd Alibeaj, për rikthimin e të përjashtuarve.
Ai “shpërtheu” në gëzim me ironi, teksa e cilëson si hare në prag festash.
Sipas tij, sot deklarohet me solemnitet se mjaftoka vullneti i tyre madhor që të zhbëjë një vendim, që e paska “marrë Këshilli Kombëtar” më datë 12 Janar 2022!
REAGIMI I PLOTE
O çfarë “hareje”!
“Vullneti suprem” në prag festash, na fal “jetën”!
Më shumë «mirënjohje» lexoj se Alibeaj-Gazi më paskan falur!
Sot deklarohet me solemnitet se mjaftoka vullneti i tyre madhor që të çbëje një vendim, që e paska “marrë Këshilli Kombëtar” më datë 12 Janar 2022!
Dhe ne si “shpirtëra” të përulur duhet ta pranojmë me adhurim këtë shpirt gjerësi!
Akoma me qesharake…kjo deklaratë bëhet në emër të «grupit parlamentar», nga vete ata që janë dhe firmëtarët e atyre paçavureve të 12 Janarit!!
Ndërsa për “vendimin” e datës 9 Shtator nuk ka as edhe një copë letre, por vetëm një “vullnet”, me autor tashmë të “rrëzuar”…
…ndoshta prandaj nuk e kanë përmendur, se e konsiderojnë nul!
Sidoqoftë mund ta deklaronin, që kështu “gëzimi” i faljeve të rritej dhe mirënjohja ndaj tyre të zgjerohej!
Në fakt e gjithë kjo më kujton disa drama, që shkrimtari i vendos midis tragjikes e komikes njerëzore!
Vështirë ta përcaktosh qartë këtu:
Kemi të bëjmë me një tragjedi apo komedi, a është për të qeshur apo për të qarë e gjithë kjo?
Sidoqoftë tashmë pak rëndësi ka.
Rëndësi ka psh, që të dielën te 5 degët e Qarkut të Gjirokastrës, me votën e lire të antareve te PD do të zgjedhin drejtuesit e ardhshëm të tyre, midis kandidaturave dinjtoze.
Le të fokusohemi në këtë proces real e gjithë përfshirës, ringritje e bashkimi të PD, për të arritur në nivelet e fitoreve të domosdoshme mbi këtë regjim!
