“Punë të mbarë” U betua sërish si president i Italisë, Lulzim Basha uron Sergio Matarellën

Presidenti Sergio Matarella, ka bërë sot betimin duke marrë mandatin e dytë në këtë post.

Menjëherë pas kësaj, ai ka marrë urim dhe nga kryetari i Partisë Demokratike Lulzim Basha.

Ky i fundit thekson se trashëgimia historike dhe kulturore rigjallërohet vazhdimisht nga partneriteti strategjik mes dy vendeve.

“Punë të mbarë Presidentit Sergio Mattarella për fillimin e mandatit të tij të dytë! Trashëgimia e jashtëzakonshme historike dhe kulturore që lidh vendet tona, e rigjallëruar vazhdimisht nga partneriteti strategjik në të cilin kemi besim të madh, na bëjnë të shikojmë me vendosmëri dhe optimizëm drejt një të ardhmeje të përbashkët evropiane”, shkruan Basha në Twitter.