Zyrtare/ Gjuha turke si lëndë me zgjedhje, vendimi pas vizitës së Erdoganit

Gjuha turke do të jetë një ndër zgjedhjet e nxënësve në të gjitha shkollat e Shqipërisë. Fill pas vizitës e së presidentit turk Rexhep Taip Erdogan në vendin tonë, shkollat po vlerësojnë kërkesat për të mësuar gjuhën turke si lëndë me zgjedhje të lirë.

Shkollat 9-vjeçare kanë nisur të pyesin prinderit e nxënësve te klasave të 6 deri ne klasën e 9 në lidhje me vendosjen ose jo të gjuhës turke si lëndë me zgjedhje. Drejtoria rajonale Arsimore Tirane kërkon informacion të plotë nga shkollat për numrin e kërkesave të nxënësve për të mësuar gjuhën turke si gjuhë e huaj.

Ndërsa në Fletoren Zyrtare është publikuar ne datën 2 mars 2021 marrëveshja mes dy vendeve e cila parashikon futjen e gjuhës turke në shkollat shqipe si lëndë e një gjuhe të huaj me zgjedhje të lirë, me qëllim një programi pilot në gjuhën turke.

Në nenin 3. pika 2, theksohet qartë se palët do të inkurajojnë mësimdhënien dhe nxënien e gjuhës zyrtare të palës tjetër, si dhe letërsinë e kulturën brenda sistemit të tyre arsimor.