Prej 5 vitesh jetojnë në çadër, çifti i të moshuarëve harrohet nga Bashkia

Që nga viti 2017një çift të moshuarish në fshatin Trepsenisht të Elbasanit jetojnë në cadër. Rrëshkitja e tokës dhe dy tërmetet që e pasuan bën që shtëpia të dëmtohet plotësisht duke e bërë të pabanueshme. Të moshuarit regojnë për Fax News se e vetmja ndihmë që kanë marrë është një cadër.

Sorollatja në institucione pa mundur të fitojnë asgjë ka bëre që në këto ditë të ftohta të braktisin çadrën dhe të rikthehen në shtëpinë e dëmtuar. Ndonëse prej 1 viti ka nisur rindërtimi i banesave të dëmtuara nga tërmeti, për këta të moshuar nuk është kujtuar njeri.

Burri thotë se kërkon të drejtën e tij , të paktën të marrë masën e vlerësimit të përcaktuar nga komisioni i verifikimit. Jetesa e tyre ka qenë mjaft e vështirë pasi ky është i pesti dimër që kalojnë pa një strehë të ngrohtë.

Skënder Çalladej: Që prej vlerësimit e deri më sot asgjë nuk është bërë. Kam vajtur disa herë, dhe më kërkojnë leje ndërtimi. Po ku të bëj unë shtëpi këtu, se këtu shembet toka, nga rrëshkitjet. Të më japin lekët ose ta bëjnë ata.

Lefterie Çalladej: Ne kërkuam ndihmë, bashkia solli dy veta, e vlerësuan si të pabanueshme. Më pas dy vitesh kur ra tërmeti, muri i shtëpisë këtu u hap totalisht. Ne kërkojmë një vlerësim një shumë, ose një strehim se nuk rrihet kështu me frikë çdo ditë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern