LIGJET E BIZNESIT
Në qoftë se të gjithë kanë menduar se është thjesht dhe vetëm një e hënë e zakonshme, faktikisht jo. Nuk është klishe, e pranon edhe psikologjia.
Kjo e hënë është dita më depresive e vitit. Mos kërkoni më shumë arsye më shumë për të justifikuar “mjerimin” këtë mes janari – nesër merrni përgjigje.
E quajtur “E hëna blu”, e hëna e tretë e muajit janarit mendohet se është një nga ditët kur njerëzit janë më të trishtuar dhe më pesimistë se në çdo ditë tjetër të vitit. Për të flitet prej shumë vitesh dhe, nga sa është kuptuar, “e hëna blu” nuk është më thjesht një “hashtag”, por një rezultat i një formule aktuale të menduar mirë nga një psikolog.
“E hëna blu” supozohet se është dita më monotone, më e mërzitshme dhe më e mjerueshme e tërë vitit. Referuar formulës, “e hëna blu” bie në të hënën e tretë pas Vitit të Ri. Këtë vit, “e hëna blu” është pikërisht dita e sotme, e 17 janarit.
Psikologët thonë se formula merr parasysh kushtet e motit, borxhet, kalimin e festave, Krishtlindjeve dhe Vitit të Ri, por edhe nivelet e ulëta të motivimit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ngjyrat e festave janë zëvendësuar nga mëngjese të hershme, moti gri dhe sfidat e reja, diçka që bën që shumëkush të stërmundohet për të mbetur sa më produktiv dhe pozitiv. Ditët bëhen më të shkurtra dhe më të errëta, teksa zgjimi më i hershëm. Energjia nis dhe mungon, por të gjitha këto janë lehtë të kapërcyeshme.
Megjithatë, studiuesit pranojnë faktin se nuk ka asnjë të vërtetë shkencore tek “e hëna blu”, por që bëhet fjalë për një akumulim faktorësh të jashtëm, të ndryshëm, në janar, që lehtësisht prekin edhe humorin.
Po çfarë duhet të bësh për të shmangur ditën më të trishtë të vitit?
Për të evituar përjetimin e “së hënës blu” ka edhe disa këshilla:
1- Vendosni në tryezë shumë perime,
2- Merrni sa më shumë vitaminë D,
3- Qëndroni aktivë,
4- Bëni shëtitje në natyrë,
5- Mos refuzoni marrëdhëniet seksuale.
