LIGJET E BIZNESIT
Komisioni i Pavarur i Kualifikimit (KPK) njoftoi sot vendimin e konfirmimit në detyrë për gjyqtaren Rudina Palloj pasi rivlerësimi në të tri kriteret e gjeti atë pa asnjë problem.
Gjyqtarja e Gjykatës së Beratit, Rudina Palloj pati një seancë të lehtë dëgjimore në KPK. Sikurse doli gjatë relatimit, Pallojit nuk i ishte kaluar barrë prove në asnjë nga kriteret, por i ishin kërkuar shpjegime pas disa denoncimeve në kriterin e profesionalizmit.
Procesi i vetingut ndaj saj u krye nga trupa e përbërë nga Genta Tafa Bungo kryesuese, Lulzim Hamitaj anëtar dhe Valbona Sanxhaktari relatore.
Përmendim që Rudina Palloj përfundoi studimet në Shkollën e Magjistraturës në vitin 2011 dhe punoi fillimisht si gjyqtare në Gjykatën e Korçës. Prej vitit 2014, ajo e ushtron funksionin si gjyqtare në Gjykatën e Rrethit Berat.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
