Ngjarja e rëndë në Tiranë/ Ky është lokali ku mbeti i vrarë një person dhe u plagosën tre të tjerë (VIDEO)

Tirana u trondit pasditen e sotme nga disa të shtëna me armë zjarri në një lokal.

Ngjarja ndodhi në zonën e “Don Boskos” rreth orës 16:20, ku nga informacionet paraprake bëhet me dije se ka ndërruar jetë 1 person, si dhe janë plagosur 3 të tjerë.

Nga pamjet e siguruara shihet një prani e madhe e forcave të policisë në vendngjarje, si dhe prani e autoambulancave.

Dyshohet se viktimat dhe të plagosurit ndodheshin së bashku të ulur në lokal dhe ata janë qëlluar me armë nga jashtë me kallashnikov, nga persona të paidentifikuar. Të tre personat e plagosur janë transportuar drejt spitalit të Traumës, ku njëri prej tyre është në gjendje më të rëndë për jetën.

Autorët janë larguar me urgjencë, ndërkohë që janë ngritur pika kontrolli për kapjen e tyre. Policia po merr në pyetje dëshmitarët e pranishëm në vendngjarje, si dhe po sekuestron kamerat e sigurisë për të hedhur dritë mbi atë që ka ndodhur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Vlen të theksohet se ngjarja ka ndodhur në një zonë mjaft të populluar, në një lokal i cili ndodhet në mes të një kompleksi pallatesh, duke shkaktuar frikë dhe panik tek qytetarët.