“U qëllua nga jashtë lokalit” Policia identifikon viktimën dhe 4 të plagosurit në “Don Bosko”

Pas atentatit që tronditi Tiranën pasditen e sotme në një lokal në zonën e “Don Boskos”, ka ardhur dhe reagimi zyrtar i Policisë së Shtetit.

Mësohet se si pasojë e të shtënave me armë zjarri, ka humbur jetën një person si dhe janë plagosur 4 të tjerë.

Sipas informacioneve autorët kanë qëlluar nga jashtë dhe janë ende të paidentifikuar.

Dyshohet se ata janë larguar me një automjet tip “Mercedez-Benz” nga vendi i ngjarjes.

Viktima është identifikuar si  Erion Çela 35 vjeç.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërsa të plagosurit janë Arben Dani 46 vjeç i demtuar ne kembe, Azbi Selimaj 19 vjeç i demtuar ne shpatull, Blerim Çela 28 vjeç i demtuar ne kemben e djathtë dhe ne fytyrë, njëkohësisht vëllai i viktimës.

Gjithashtu i plagosur në bark dhe këmbë ka mbetur Edmond Crroj 41 vjeç.

NJOFTIMI ZYRTAR I POLICISE

Më datë 04.01.2022, rreth orës 16:15, në “Don Bosko”, në ambientet e një lokali dyshohet se është qëlluar me armë zjarri nga jashtë, në drejtim të një tavoline ku ishin ulur pesë shtetas.

Si pasojë e të shtënave, shtetasi E. Ç., 35 vjeç ka humbur jetën, dhe janë plagosur shtetasit A. D., 46 vjeç, A. S., 19 vjeç, B. Ç., 28 vjeç dhe E. C., 41 vjeç.

Shërbimet e Policisë kanë ngritur pika kontrolli në të gjitha pikat hyrëse-dalëse të Tiranës dhe në brendësi të lagjeve ku dyshohet se janë larguar personat, të cilët pasi kanë qëlluar me armë zjarri, janë larguar me një automjet tip “Mercedes-Benz”.

Grupi hetimor ndodhet në vendngjarje dhe po punon për sqarimin e rrethanave të ngjarjes.