“Para nga qielli” qytetarët dalin në masë për t’i mbledhur

Një “shi parash nga qielli” ndodhi dje në Kaliforni kur me mijëra kartëmonedha filluan të fluturojnë nga një kamion i blinduar i transferimit të parave.

Shoferët ndaluan automjetet e tyre, duke dalë për të mbledhur sa të mundeshin por gëzimi ka zgjatur pak, pasi policia ka mbërritur me shpejtësi në vendngjarje për të rivendosur rendin.

“Ka shumë video që tregojnë njerëz që vjedhin para duke i marrë nga rruga,” tha shefi i policisë së trafikut të autostradës së Kalifornisë, Curtis Martin në një konferencë shtypi.

“Kartëmonedhat që ranë nga kamioni, janë mijëra dollarë, i përkasin bankës dhe duhet t’i dorëzohen një komisariati,” theksoi ai.