“I jepja ushqim për të ngrënë” Nëna e Mateos bën thirrje për Klodian Çalamanin: Kërkoj vetëm varje

Familjarët e 8-vjeçarit të vrarë Mateo Vasiu kanë protestuar sot në Vlorë.

Fillimisht ata kanë shkuar para godinës së paraburgimit dhe tentuan të hyjnë brenda ambienteve ku mbahet i izoluar autori i ngjarjes makabre Klodian Çalamani.

Njerëzit e afërm u ulën në asfalt duke bllokuar edhe rrugën, teksa kërkonin drejtësi për vogëlushin.

Nëna e të miturit, foli për kamerat ku tha se kërkon të di arsyen se pse Klodian Çalamani ia vrau fëmijën.

Ndër të tjera ajo ka treguar se nuk ka pasur konflikte me 38-vjeçarin dhe se e ka ndihmuar, duke i dhënë bukë.

Ajo nuk harroi të kërkonte edhe një herë dënimin me vdekje për vrasësin e djalit të saj të vogël.

“Kërkesa e nënës është ta sjellin në mes të Fierit (autorin) dhe vetëm varje. Kjo është kërkesa ime, dhe pse ma vrau fëmijën. Çfarë kërkonte, unë varje dua për të. Unë nuk kam pasur lidhje me autorin, vetëm i jepja ushqim për të ngrënë. Na mashtruan, nuk e sollën në gjykatën e Fierit”-shprehet e ëma.