Marrëveshja drejt finalizimit/ Javët e fundit të shqiptarëve në burgjet britanike, së shpejti do ekstradohen

Së shpejti pritet të miratohet marrëveshja mes qeverisë shqiptare dhe asaj britanike, e cila parashikon ripranimin e personave që po vuajnë dënimin në burgjet e dy shteteve apo janë të paligjshëm.

Pakti u firmos pak muaj më parë nga ministri i Brendshëm Bledi Çuçi dhe homologia e tij  britanike, Priti Patel.

Ajo është cilësuar nga mediat britanike si një arritje, pasi shqiptarët e dënuar për krime të ndryshme kanë mbushur burgjet dhe po kanë kosto të lartë të mbajtjes së tyre.

“Marrëveshja parashikon verifikimin dhe identifikimin e shtetasve, subjekt kthimi/ripranimi, duke komunikuar çdo informacion për ta, duke konsultuar bazën e të dhënave vetëm për qëllim të zbatimit të kësaj marrëveshjeje”, thuhet në relacionin e kësaj marrëveshjeje.

Deri më tani, më shumë se 1 mijë kriminelë të huaj janë deportuar nga Britania e Madhe. Shqiptarët përbëjnë numrin më të madh të shtetasve të huaj në burgjet e britanike, gjithsej 16% të shkelësve të ligjit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern