LIGJET E BIZNESIT
Familjarët e Mateos 8-vjecar të vrarë nga Klodian Çalamanin kanë qenë ditën e sotme prezentë në qytetin e Elbasanit.
Ata po mbledhin firmat për peticionin drejtuar qeverisë së vendit ku kërkojnë drejtësi dhe ashpërsim të ligjit për Klodian Calamanin. Ata u vendosen përballë teatrit Skampa, ku ndonëse nuk ka pasur një njoftim në media, kanë qenë të shumtë qytetarët që kanë ndaluar dhe kanë firmosur për dënimin maksimal. Të pyetur për firmosjen e peticionit qytetarët thanë se ngjarja makabwr që i mori jetën Mateos së vogël i ka prekur pa masë dhe se njerëz mizor si Çalamani nuk meriton të jetojë dhe ushqehet me taksat e tyre.
“Shtet nuk kemi ligje nuk ka. Bëhet fjalë për një fëmije 8-vjeç, nuk është normale. Ndodh në gjithë botën por jo deri ku kemi arritur ne. Duke parë që nuk ka shtet jemi të detyruar ta bëjmë vetë ligjet, varjen e ka pak. Nëse ne bashkohemi të gjithë i Shqipëri, cdo qytet do të bëjmë ligjet”, u shpreh një vajzë e re.
“Vendosa ti bashkohem kësaj kauze sepse mendoj se duhet vendosur në vend drejtësia që na mungon mes shqiptare, për të vënë drejtësinë ndaj engjëllit që humbi jetën prej një mostre si ai që e vrau. Ai nuk e meriton të jetojë me taksat tona apo të shijojë jetën”, u shpreh një banore.
“Vendose ti bashkohem kësaj kauze sepse është një rast i përsëritur në Shqipëri dhe nuk dua që me taksat e mua të paguhet një vrasës i një krimi makabër. Nuk mendoj se dënimi me vdekje na kthen pas në kohë, shteti ynë për deri sa nuk arrin që të sigurojë institucione të afta por trajtimin e këtyre njerëzve atëherë duhet të jenë vetë njerëzit që vendosin”, tha qytetarja.
Ndërkohë, më herët familjarët dhe të afërmit e vogëlushit ishin para dyerve të gjykatës së Fierit ku kanë kërkuar dënimin me vdekje për autorin.
