LIGJET E BIZNESIT
Thellohet akoma më shumë përçarja mes PD-së dhe LSI-së. Sekretari i Përgjithshëm i LSI-së, Endrit Braimllari i është përgjigjur Lulzim Bashës pas akuzave të këtij të fundit ndaj presidentit Ilir Meta se shkatërroi fushatën e opozitës për zgjedhjet e 25 Prillit.
“Ka qenë Ilir Meta pjesë, personi Ilir Meta, i cili nëse më pyesni, dy javët e fundit të fushatës ka qenë aseti më i madh i Edi Ramës, shkatërruesi i fushatës në bindjen time, të LSI-së në veçanti në disa zona elektorale nga Vlora në Elbasan dhe në veçanti në javët e fundit me qëndrimet e tij, ka çuar ujë tek mulliri i Edi Ramës” tha sot Lulzim Basha.
Por Endrit Braimllari reagoi duke akuzuar Lulzim Bashën se opozita u tradhtua nga kryedemokrati duke i kujtuar kunatin dhe që koha e tij është djegur.
Postimi i plotë
“Koha e Kunat opozitës është djegur përgjithmonë! Të gjithë sot e kanë të qartë të vërtetën.
Se Opozita e Bashkuar u tradhëtua nga kryetari i saj, ndaj nuk u arrit fitorja e ndryshimit në 25 Prill. Fitorja e 25 Prillit iu shit Edi Ramës në tavolinë nga Lulzim Basha, i cili është edhe autori i vetëm i fushatës zgjedhore përçarëse mes kampit opozitar, siç e kanë pohuar gjatë dhe pas fushate kandidatët e PD.
Lulzim Basha e kthehu opozitën e bashkuar në kunat-opozitë, që mision të sajin nuk kishte më ndryshimin por bashkëpunimin financiar me regjimin. Askush nuk do t’i bëjë dot bisht përgjegjësive!
Boll deklaratave me regji nëpër televizione, por dil dëgjo opozitarët, demokratët, e ata pa parti. Dëgjo peshën e madhe të përgjegjësisë personale për situatën që po shpopullon vendin dhe po varfëron çdo ditë e më shumë shqiptarët. Sepse është botërisht e ditur, se kush refuzon të pranojë të vërtetën, vështirë se gjen paqe. Ti dogje mandatet pabesisht duke mashtruar në emër të “gjermanëve”!
Ti ia fale gjithë pushtetin lokal Edi Ramës! As deputet nuk do dalësh herën tjetër o vulëhumbur” shkruan Endrit Braimllari.
