Sali Berisha akuzoi Lulzim Bashën nga Librazhdi në takimin e rradhës në kuadër të lëvizjes “Foltorja”.
Sipas ish-kryeministrit, lideri demokrat është i përfshirë në përpjekjen për të futur ilegalisht në Shqipëri mbi 3 milionë euro në rastin e “Toyota Yaris”.
Berisha komentoi deklaratën e Bashës se kishte marrë një ftesë për të vizituar Shtëpinë e Bardhë.
“Sot ka njoftuar se ka marrë një ftesë për në SHBA. I them, Lulzim, në Shtëpinë e Bardhë shkoi edhe Sajmir Tahiri, ama shkoi me dosjen Habilaj në kurriz. Ti shkon aty me dy dosje po kaq të rënda; me dosjen Muzin dhe dosjen Toyota Yaris. Këtë të dytën e ndan me Taulant Ballën. Për të parën, dosja Muzin është një dosje përvëluese për peng Bashën. Edhe saja shkoi me dosjen Habilaj dhe ja ku e ka në kurriz”, tha ai.
Dosja Muzin lidhet me akuzat e lobimit të Partisë Demokratike përmes parave ruse, ndërsa Toyota Yaris është denoncuar nga vetë kreu i PD-së, Lulzim Basha.
