A ka Klodian Çalamani probleme të shëndetit mendor? Dalin rezultatet përfundimtare të ekspertizës

Kanë dalë rezultatet përfundimtarë të ekspertizës paraprake që iu bë Klodian Çalamanit.

Ky i fundit vrau dy ditë më parë dhe më pas groposi 8 vjeçarin Mateo  Vasiu.

Ngjarja u shënua në fshatin Grecalli të Fierit.

Çalamani ndodhet në paraburgimin e Vlorës, ndërsa dje Gjykata e Fierit caktoi masën e sigurisë me burg.

Sipas ekspertizës Klodian Çalamani, vrasësi i fëmijës, nuk vuan nga probleme të shëndetit mendor.

38-vjeçari ka folur me gjakftohtësi të plotë për vrasjen e Mateos 8 vjeçar, si në ambientet e paraburgimit, ashtu edhe në Policinë e Fierit në momentin që u arrestua.

“Klodian Çalamani nuk ka probleme të shëndetit mendor”, thuhet në ekspertizën e bërë 38 vjeçarit, mëson gazetari Elton Qyno.

Kujtojmë që ditën e djeshme gjykata ka caktuar për të masën e sigurisë “Arrest me burg”.