LIGJET E BIZNESIT
Dalin detaje tronditëse nga ngjarja e rëndë në Sarandë, ku një punonjës policie akuzohet se ka bërë seks me një vajzë 13 vjeç.
E mitura shfrytëzohej si prostitutë nga Stefan Koloi, një 62-vjeçar, nga Konispoli.
Petraq Rako, oficer i Komisariatit të Policisë Kufitare Sarandë, është arrestuar nga oficerët e Shërbimit të Kontrollit të Brendshëm dhe Ankesave, pas provave për implikim e një punonjësi policie në një skandal të tillë.
Punonjësi i policisë Rako është arrestuar në kushtet e flagrancës, pasi ka kryer marrëdhënie seksuale me shtetasen e mitur në ambientet e përshtatura nga Koloi.
Rako mësohet se ka qenë edhe më parë i arrestuar në 2007 për “dhënie ndihme për kalim te paligjshëm të kufirit në bashkëpunim në kuadër të grupit të strukturuar kriminal”, por ishte shpallur i pafajshëm.
Petraq Roko
Stefan Koloi
Njoftimi i SHÇBA-së:
Në funksion të procedimit penal të vitit 2021 të regjistruar nga Prokuroria e Rrethit Gjyqësor Sarandë, mbi bazën e akteve referuese të Komisariatit të Policisë Sarandë, pasi gjatë hetimeve në kuadër të këtij procedimi penal kanë dalë të dhëna për implikim të një punonjësi policie, nga ana e shërbimeve të Komisariatit të Policisë Sarandë në bashkëpunim me SHÇBA, më datë 18.11.2021 është finalizuar me sukses Operacioni ‘Shfrytëzuesit’, ku janë arrestuar në flagrancë shtetasit:
• Kryeinspektor P. R., 63 vjeç, punonjës policie Trup Shërbimi në PKK Rrips;
• S. K., 62 vjeç, banues në fshatin Xarrë, Konispol.
Pas një hetimi një mujor nën drejtimin e Prokurorisë së Rrethit Gjyqësor Sarandë, u bë e mundur kapja dhe arrestimi në flagrancë i shtetasve të mësipërm, pasi shtetasi S.K. ka shfrytëzuar për qëllime përfitimi shtetasen e mitur L. H., 13 vjeçe, duke përshtatur një ambient për shfrytëzimin e prostitucionit të kësaj shtetaseje.
Punonjësi i policisë P. R. është arrestuar në kushtet e flagrancës, pasi ka kryer marrëdhënie seksuale me shtetasen e mitur në ambientet e përshtatura nga shtetasi S.K.
Në cilësinë e provës materiale janë sekuestruar:
-2 automjete;
– 4 aparate celularë;
-një sasi vlere monetare e dyshuar si e përfituar nga veprimtaria kriminale
-është vendosur sekuestro konservative ndaj ambienteve të përshtatura për ushtrimin e kësaj veprimtarie të kundërligjshme.
Materialet proceduriale të arrestimit në flagrancë të shtetasve të mësipërm do t’i kalojnë Prokurorisë pranë Gjykatës së Shkallës së Parë Sarandë për kryerjen e veprave penale ‘Shfrytëzim i prostitucionit’, ‘Marrëdhënie seksuale ose homoseksuale me të mitur’, ‘Prostitucioni’ dhe ‘Mbajtja e lokaleve për prostitucion’.
