Përfshihet nga flakët banesa në Tiranë, evakuohen banorët (VIDEO)

Përfshihet nga flakët një banesë në Tiranë pasditen e sotme.

Ngjarja ka ndodhur në zonën e Freskut.

Sipas informacioneve paraprake, zjarri ka rënë në katin e dytë të një pallati dhe ende nuk dihen shkaqet.

Brenda në banesë nuk ka patur persona të bllokuar.

NJOFTIMI ZYRTAR I POLICISE

Me datë 17.11.2021, rreth orës 18:20 në rrugën “Fadil Deliu”, ka rënë zjarr në katin e dytë të një pallati, ku ka vetëm dëme materiale.

Sherbimet e Policisë bënë evakumin e menjehershëm të banorëve të pallatit. Në vendngjarje ndodhen forcat zjarrfikëse të cilat po punojnë për fikjen e zjarrit.

Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit.