“Kam frikë se askush nuk do të më dojë”/ Merkel po ikën, rrëfimi i rrallë: Dua të fle dhe të lexoj libra

Kancelarja gjermane Angela Merkel do të largohet nga skena politike përfundimisht, pasi nuk do të kandidojë përsëri në zgjedhjet federale të 26-shtatorit.

E vetmja që ajo dëshiron të bëjë tashmë është një pushim i vërtetë ku vetëm mund të lexoje dhe të flejë.

“Unë nuk do ta pranoj menjëherë ftesën tjetër sepse do të kem frikë se nuk do të kem asgjë për të bërë dhe askush nuk do të më dëshirojë më ,” tha kancelarja gjatë vizitës së saj në Uashington.

E pyetur se çfarë do të bënte të nesërmen pas dorëzimit të kancelarit, u përgjigj: “Unë do të doja të bëja një pushim të rregullt dhe të mendoja për atë që më intereson vërtet. Për 16 vitet e fundit nuk kam pasur shumë kohë të mendoj për një gjë të tillë. Dhe pastaj mbase do të përpiqem të lexoj diçka dhe kur sytë të më mbyllen sepse jam e lodhur, atëherë do të fle pak dhe pastaj do të shohim”.