“Vepër spektakolare”/ Rama: Hapet provizorisht By-Pass i Vlorës

Kryeministri Edi Ramaesë bashku m ministren e Infrastrukturës, Belinda Balluku inspektuan punimet në anashkalimin e Vlorës, i hapur provizorisht për pushuesit për të lehtësuar trafikun.

“Një prej veprave më spektakolare të infrastrukturës sonë kombëtare, e cila do të shkurtojë lëvizjen, nxisë zhvillimin e një tjetër zone plot potenciale dhe sigurisht do t’u ofrojë udhëtarëve pamje nga më të bukurat drejt bregdetit të jugut, tanimë është në prag të përfundimit, por e hapur për lëvizjen e pushuesve”, tha Rama.

Ndërkohë policia e Shtetit tha se do të ketë forcat e nevojshme të policisë për të mbikëqyrur trafikun në këtë qarkullim, edhe me radarë për shkak se është një rrugë e re dhe e panjohur për drejtuesit e mjeteve dhe kjo mund të shfaqë problematika.