Në Londër numërohen rreth 4000 bare, asnjë tavolinë nuk është e lirë ditën e finales

Kur kanë mbetur edhe pak orë nga nisja e finales së madhe të Kampionatit Evropian, Euro 2020, Italia dhe Anglia do të përballen me njëra-tjetrën në një ndeshje mjaft fantastike e cila pritet të zhvillohet në stadiumin legjendar ëembley të Londrës.

Mirëpo që nga orët e para të mëngjesit, Londra ka shumë gjallëri, pasi mijëra tifozë anglezë e italianë ndodhen nëpër rrugët e kryeqytetit britanik.

Mediat angleze shkruajnë se nuk ka asnjë tavolinë të lirë në baret e Londrës pasi janë të stërmbushura me tifozë.

Në Londër ka afërsisht 4000 bare, por as edhe një tavolinë nuk është e lirë ditën e sotme.

Është vlerësuar fakti se rreth tre miliardë paund do të derdhen në ekonominë e Londrës nga bastet, ushqimet si dhe pijet alkoolike vetëm këtë të diel.

Përmëndim, që finalja e madhe mes Italisë dhe Anglisë zhvillohet sonte në orën  21:00.