“Bashës i është refuzuar viza në SHBA”/ Kreshnik Spahiu paraljmëron listën: Ka ministra të Ramës dhe…

Kreshnik Spahiu ka deklaruar sërish se kryetarit të demokratëve, Lulzim Bashës i është refuzuar viza për të udhëtuar në SHBA.

Spahiu pohoi në OPEN se kjo është e vërtetë dhe së fundmi në PD ka nisur edhe një revoltë kundër Lulzim Bashës. Sipas ish-kreut të “Aleancës Kuqezi”, në listën e personave që u është refuzuar viza nga SHBA janë edhe ministra të Ramës.

“Iu kam deklaruar se Bashës i është ndaluar hyrja në SHBA. Tani i është ngritur e gjithë partia dhe po del e vërtetë. Ka disa ministra dhe ish-ministra socialistë, kryetarë gjykatash, drejtorë doganash dhe tatimesh që nuk lejohen të udhëtojnë në SHBA. Kjo është një kategori tjetër nga ajo e Berishës. Berisha ka minuar demokracinë dhe destabilizuar Ballkanin.”, tha Spahiu.