Plagoset një vajzë, dy mjete përplasen kokë më kokë në kryeqytet

Një aksident me pasojë plagosjen e një vajze është regjistruar para pak minutash në kryeqytet.

Burime për Fast News Albania, bëjnë më dije se dy automjete janë përplasur pranë Fakultetit të Drejtësisë.

Drejtuesja e mjetit tip “Fiat” njëkohësisht vajza e plagosur është përplasur kokë më kokë me një automjeti tip “Audi”.

Menjëherë në vendngjarjen kanë mbërritur autoambulancat për të dhënë ndihmën e parë mjekësore.

Po ashtu, të pranishme në vendin e ngjarjes ndodhen edhe efektivët e policisë të cilët po punojnë për zbardhjen e rrethanave të aksidentit.

Dyshohet se shkak i kësaj ngjarje të ketë qenë mosrespektimi i sinjalistikës rrugore.

Kujtojmë që ngjarja ka ndodhur pas orës policore, atëherë kur lëvizjet presupozohet të jenë të ndaluara.