E bujshme/ Para 2 javësh u shkarkua nga Tottenham, Jose Mourinho emërohet trajner i këtij super ekipi

Dy javë pas shkarkimit nga Tottehnham, Jose Mourinho nuk do të qendrojë për shumë gjatë pa punë.

Mësohet se ai do të jetë trajner i ri i Romës, duke nisur nga sezoni 2021-2022.

Lajmin e ka bërë të ditur vetë klubi italian nëpërmjet faqes zyrtare.

Pak orë më parë, Roma njoftoi shkarkimin e Paul Fonsecas nga drejtimi i skuadrës në fund të sezonit. Mendohej se “timonin” e klubit verdhekuq do ta merrte ish-trajneri i Napolit dhe Juventusit, Maurizio Sarri, por diçka e tillë nuk ndodhi, pasi Mourinho u emërua si trajner i romakëve për 3 sezonet e ardhshme.

Ai u përmend në mediat italiane si zëvendësues i bashkombasit të tij, Fonseca, dhe siç duket nuk paska qenë të kota.

Edhe vetë Mourinho në një deklaratë për mediat kishte pranuar se Interi për të ishte i veçantë, por nëse do t’i vinte një ofertë nga një klub tjetër italian do ta pranonte me kënaqësi.