LIGJET E BIZNESIT
Komisioni Ankimimeve dhe Sanksioneve miratoi me shumicë votash kërkesën anikmore nga subjekti politik PS ndërkohë që ka rrëzuar kërkesën e koalicionit të Partisë Demokratike të regjistruar me emrin PD-AN.
Përmendim që PS kishte kërkuar që në fletën e votimit për zgjedhjet e 25 prillit, kandidatët të jenë me numra dhe jo me emra.
Kurse Partia Demokratike kishte kërkuar që fleta e votimit të kishte një renditje vertikale të listës së kandidatëve për deputetë.
Me vendimin që mori sot KAS, nëse nuk do të ankimohet në Kolegjin Zgjedhor, në zgjedhjet e 25 prillit qytetarët do të zgjedhin për të votuar kandidatin e preferuar jo me emrin e tij, por në numrin përkatës, ndërsa në fletën e votimit, ata do të renditen horizontalisht.
Më herët gjatë mbledhjes, përfaqësuesi ligjor i PD-së, Ivi Kaso, duke mbrojtur kërkesën që renditja e kandidatëve të bëhej në mënyrë vertikale dhe jo horizontale siç kishte miratuar më parë, kryekomisioneri, Ilirjan Celibashi tha: “E vetmja pikë që është shkelur është kriteri i qartësisë. Është aq i gjerë ligji saqë i takon vetëm diskrecionit ta përcaktojë. Besoj se kemi të drejtë kur kërkojmë një model të caktuar të fletës së votimit për të orientuar drejt vullnetin e zgjedhësve. Formalisht dispozita e cenuar është neni 98 pika 4 që është kriteri i qartësisë”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
