Ka ardhur edhe reagimi i kryeministrit Edi Rama në lidhje me protestën e Opozitës. Përmes një postimi në rrjetin social, twitter, Rama ironizon kreun e PD-së, Basha, duke e cilësuar si një “lider opozite që me zë të ikur”.
Ndër të tjera kreu i qeverisë ka shkruar se tashmë të gjithë e kanë kuptuar se me zjarr nuk dëmtohet qeveria, por Shqipëria.
“Çfarë trishtimi një lider opozite që me zë të ikur i thotë qeverisë “Aman ik!”, ndërkohë që ata rrotull tij hedhin zjarr mbi godinën e saj! Uroj që kujt vete ende pas kësaj politike qorre, t’i jetë hapur sonte syri nga zjarri që qeverisë s’ka ç’i bën, po Shqipërisë i bën veç dëm”- shkruan Rama.
