Asambleja e PS/ Pritet zyrtarizimi i kandidatëve për kryetarë Bashkie, Durrësi pikëpyetja më e madhe

Në orën 09:00 të ditës së sotme pritet të mblidhet Asamblea e Partisë Socialiste, ku do të zyrtarizohen të gjithë kandidatët e kësaj force politike për zgjedhjet lokale të parashikuara për t’u mbajtur më 30 qershor.

Deri më tani, burime nga PS kanë bërë me dije për Dosja.al se janë konfirmuar kandidatët e mëposhtëm:

Kastriot Gurra për Librazhdin, Erion Veliaj për Tiranën, Armando Subashi në Fier; Majlinda Bufi për Roskovecin, Sotiraq Filo për Korçën; Gledjan Llatja në Elbasan; Pjerin Ndreut në Lezhë dhe Safet Gjici për Kukësin, Dritan Leli për Vlorë, Ardian Gurma për Sarandën dhe Arben Rugia në Kavajë. Për bashkinë e Shkodrës qarkullon emri i prefektit të sapoemëruar Valdrin Pjetri në Shkodër. Po ashtu Bashkitë Malësi e Madhe, Fushë Arrëz, Pukë dhe Vau Dejës ku do të kandidojnë përkatësisht Tonin Marinaj, Fran Tuci, Gjon Gjonaj dhe Mark Babani.

Ndërkohë janë ende të pasigurt kandidatët për Bashkinë Dibër, ku përflitet Reme Lala, për Selenicën, Gjirokastrën, Vorën e Durrësin, e cila mbetet pikëpyetja më e madhe.