Sot pasdite protesta e opozitës së bashkuar, çfarë pritet të ndodhë

Ditën e sotme në orën 18.00 do të zhvillohet protesta e rradhës nga opozita e bashkuar.

Sot është hera e dytë që opozita proteston mbasdite përpara godinës së kryeministrisë dhe parlamentit.

Kryetari i Partisë Demokratike Lulzim Basha ka ftuar të gjithë qytetarët me anë të një video që të jenë pjesë e protestës që do të mbahet nga opozita.

Në mesazhin që përcjell kjo video thuhet se sipas opozitës kjo protestë do të çlirojë vendin nga e keqja dhe do ndëshkohet krimi dhe korrupsioni.

Ende nuk bëhet i ditur skenari dhe mënyra si do të organizohet protesta.

Në protestën e fundit më datë 13 prill pati përplasje midis protestuesve dhe policisë, ku u përdor dhe gazi lotsjellës për të shpërndarë protestuesit që tentuan të çajnë kordonin e policisë.