EMRI/ U hodh nga kati i katërt, kush është pacienti me koronavirus që i dha fund jetës te ‘Shefqet Ndroqi’

Identifikohet 52-vjeçari që i dha fund jetës duke u hedhur nga kati i katërt i spitalit “Shefqet Ndroqi”.

Mësohet se ai është shtetasi Preng Gjonaj, i cili e ka kryer aktin e rëndë mëngjesin e sotëm rreth orës 03:10 minuta për arsye ende të panjohura, teksa ishte i shtruar në këtë spital pasi ishte infektuar me COVID19.

Kujtojmë se ky është rasti i tretë i një vetëvrasjeje në këtë spital.

Më 13 gusht një i ri në gjendje të rënduar psikologjike u hodh nga ky spital, ku fatkeqësisht ndërroi jetë. Xhino Koça, 29 vjeç ishte shtruar pasi ishte infektuar me koronavirus.

Më pas të njëjtin fat tragjik kishte dhe Hasan Mira, 65 vjeç, i cili u hodh po nga spitali “Shefqet Ndroqi”. Ai ishte shtruar në këtë spital në fund të muajit gusht dhe më 2 shtator ndërmori aktin e rëndë.