Djali i ish-kryeministrit Sali Berisha, Shkëlzen Berisha i është përgjigjur deklaratave të kreut të grupit të PS Taulant Balla, i cili u shpreh se ndaj tij duhet të nisnin hetimet.
“Tualet, pse ngjiresh duke i bërë thirrje SPAK-ut dhe nuk shkon vetë aty të bësh kallëzim?
Nuk të pinë ujë shpifjet apo ke frikë nga ndonjë hetim për apartamente të dhuruara, për udhëtime, shpenzime e tendera me trafikantë droge.
Mos u lodh duke folur në emër të SPAK-ut tualet, shko dhe bëj kallëzim! Brenda javës padite për shpifje!” shkruan Berisha.
Deklarata e këtij të fundit erdhi pasi nga foltorja e Kuvendit Balla u shpreh se Shkëlzen Berisha duhet të hetohet nga SPAK sepse sipas tij ka kredi të padeklaruara për fabrikën e boronicave apo të ndonjë fabrike tjetër manaferrash.
“Nëse do presim Lulin, është njësoj si të presim edhe Zenin, vëllain e Lulit të bjerë dakort për hapjen e hetimit për kreditë e padeklaruara për fabrikën e boronicave apo të ndonjë fabrike tjetër manaferrash.
Se Zeni, vëllai i Lulit ska vetëm një kredi 1.8 mlionë euro që smerr vesh si e pse ja kanë dhënë por paska edhe një rkedi tjetër 5.4 mln euro që ia paskan lënë përshesh në shportën e boronicave.
Për të dy cunat e babë Saliut, edhe cuni nga mami e cuni nga partia, gënjejnë e janë aq dembelë sa përtojnë të fshehin dhe gjurmët e rrenave të tyre”, u shpreh Balla.