Erion Veliaj me virus/ Vjen reagimi i parë i Ramës: Ishalla s’ma ka lënë mua stafetën

Një ditë pas lajmit se kryetari i Bashkisë së Tiranës Erion Veliaj u infektua me virusin, ka ardhur dhe reagimi i kryeministrit Edi Rama.

Ai ishte duke inspektuar një thertore në qytetin e Lezhës së bashku me drejtoreshën e AZHBR, Frida Krifca dhe kërkoi që punonjësit të ruanin distancën dhe të mbanin maska në ambientet e brendshme.

Për një moment, Rama u shpreh se ka mbajtur distancë nga Veliaj, të cilit i ka uruar shërim të shpejtë, por duke e kaluar dhe me një batutë teksa u shpreh se uronte që mos ia kishte ngjitur atij infeksionin.

“Distancë në ambientet e jashtme dhe maskat në ambientet e brendshme dhe jeni në rregull. Edhe Lali Erin në distancë e kam mbajtur, ishallah po e kalon lehtë ai dhe s’ma ka lënë mua stafetën”, tha Rama.