LIGJET E BIZNESIT
Të dhënat zyrtare mbi numrin e aksidenteve rrugore në vendin tonë japin panoramën e qartë se kur ndodhin më shpesh ngjarje të tilla dhe cilat janë shkaktarët kryesorë. Sipas të dhënave të Institutit të Statistikave, numri më i lartë i aksidenteve rrugore, sipas ditëve të javës, është shënuar ditën e hënë me 18,0 %, ndërsa numri më i ulët është regjistruar ditën e mërkurë dhe të premte me 11,5 % secila. Numri më i lartë i aksidenteve rrugore është regjistruar përgjatë harkut kohor 19:00-24:00, duke përbërë 20,1 % të numrit total të aksidenteve rrugore.
INSTAT raporton se në muajin gusht janë regjistruar 139 aksidente rrugore, në të cilat 191 persona kanë mbetur të aksidentuar (të vrarë dhe të plagosur). Gjatë periudhës janar-gusht 2026, numri i aksidenteve rrugore është rritur me 6,2 %, krahasuar me të njëjtën periudhë të një viti më parë.
Gjatë muajit gusht 2026, 86,3 % e aksidenteve rrugore kanë ndodhur si pasojë e sjelljes së drejtuesve të mjeteve. Grupmosha 25-34 vjeç paraqet numrin më të lartë të aksidenteve, duke përbërë 31,7 % të numrit total të aksidenteve të regjistruara në këtë periudhë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
