LIGJET E BIZNESIT
Blerja e një shtëpie me kredi është alternativa e vetme e shumë familjeve shqiptare për të zgjidhur cështjen e strehimit. Kjo e ka bërë huanë për banesa një ndër produktet më të lëvruara nga bankat. Të dhënat e fundit të Bankës së Shqipërisë tregojnë se normat e interesit për kredinë e re në lek për individët kanë shfaqur një prirje të lehtë rënëse gjatë periudhës, nën ndikimin e rënies së lehtë të normës së kredisë për konsum.
Në fund të periudhës, norma e interesit për kreditë e reja në Lek ishte 8.9%, ndërsa në Euro ishte 7.9%. Normat mesatare për të gjithë periudhën për këto monedha ishin perkatësisht 9.4% dhe 8.1% duke mos shfaqur ndryshime nga vlerat mesatare të gjashtëmujorit të kaluar.
Një prirje e dallueshme gjatë periudhës është rritja e normës së interesit për kreditë për konsum në monedhën Euro. Gjatë dy vjeteve të fundit norma e interesit të kredisë për konsum kanë qënë më të ulëta në monedhën Euro, ndërsa normat e interesit të kredisë për blerje banese shënojnë vlera më të ulëta në monedhën vendase. Në fund të periudhës normat e interesit për kredi për blerje banese në monedhat Lek dhe Euro ishin përkatësisht 3.8% dhe 5.0%.
Sipas Bankës Qëndrore, në tremujorin e dytë të vitit bankat kanë lehtësuar standardet e kreditimit dhe kanë rritur shkallën e miratimit të kredive për individët. Lehtësimi i standardeve të kreditimit sipas bankave lidhet me rritjen e konkurrencës në sistemin bankar dhe tolerancën më të lartë kundrejt marrjes përsipër të rrezikut.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në tremujorin e tretë bankat presin që kërkesa për kredi nga individët të mbetet e lartë, si për financimin e konsumit ashtu edhe për blerjen e banesave.
