LIGJET E BIZNESIT
Me përmbylljen e procesit të konsultimit publik për Strategjinë Kombëtare për Diasporën 2026–2030, ka nisur faza e konsolidimit të dokumenteve përfundimtare dhe përgatitja e akteve për miratimin e Strategjisë dhe Planit të Veprimit, i cili do të orientojë zbatimin e objektivave dhe masave të saj përgjatë periudhës së zbatimit.
Strategjia Kombëtare për Diasporën 2026-2030 është dorëzuar tashmë dhe pritet që në shtator të miratohet nga Këshilli i Ministrave. Drafti synon të riformatojë marrëdhënien me diasporën, duke e përshkruar atë si partner strategjik për zhvillimin e qëndrueshëm dhe integrimin evropian të vendit. Fokusi zhvendoset nga remitancat drejt investimeve, kapitalit njerëzor dhe ekspertizës profesionale.
Strategjia identifikon disa profile të diasporës. Gjenerata e parë lidhet kryesisht me remitancat dhe kapitalin financiar. Gjeneratat e dyta dhe të treta përmenden për kontributin në inovacion, rrjetëzim ndërkombëtar dhe promovim të imazhit të Shqipërisë.
Ministria për Punët e Jashtme dhe Evropën dhe Agjencia Kombëtare e Diasporës zhvilluan një proces të gjatë konsultimi me grupet e interesit përpara se të hartonin Strategjinë e re Kombëtare për Diasporën 2026-2030, e cila është hedhur tashmë për konsultim publik.
Jashtë vendit jetojnë dhe punojnë mbi 2.2 milionë shqiptarë. Pjesa më e madhe e tyre ose 39.4% janë në Itali; 35.3% në Greqi dhe më pak në vende të tjera si Shtetet e Bashkuara të Amerikës, Gjermani, Kanada etj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Diaspora shqiptare jep një kontribut të rëndësishëm në zhvillimin e vendit, për shkak të nivelit të lartë të remitancave, ekspertizës, por edhe lidhjeve të shumta.
Më poshtë Strategjia e re Kombëtare dhe relacioni shoqërues:
https://www.konsultimipublik.gov.al/documents/RENJK_1005_Relacion-SKD-2026_2030-update.docx
