Shtohet numri i mjeteve në qarkullim, Benz-i bie nga “froni”

Në rrugët e Shqipërisë është rritur numri i makinave në qarkullim. Të dhënat e fundit të Institutit të Statistikave tregojnë se në tremujorin e dytë të këtij viti, numri i mjeteve rrugore në qarkullim në të gjithë territorin ishte 1.092.726, duke shënuar një rritje prej 9% kundrejt të njëjtës periudhë të një viti më parë.

Ndër to, autoveturat përbëjnë 80.7 % të mjeteve gjithsej, të ndjekura nga motorët me 6.3 % dhe automjetet për transport të përzier me 5.8 %. Tirana zë peshën më të madhe me 34.8 % të mjeteve gjithsej, ndjekur nga Durrësi me 13.7 %. Ndërkohë, Gjirokastra dhe Kukësi kanë numrin më të ulët të mjeteve, përkatësisht me 2.1 % dhe 2.4 %.

Gjatë këtij tremujori janë regjistruar për herë të parë 26.738 mjete, nga të cilat 78.7 % ishin autovetura. Sërish, qarku i Tiranës udhëheq me 44.5 % të regjistrimeve të reja.