LIGJET E BIZNESIT
Stina e verës ka shtuar numrin e aksidenteve rrugore. Të dhënat e fundit të Institutit të Statistikave tregojnë se në muajin korrik janë regjistruar 165 aksidente rrugore, në të cilat 235 persona kanë mbetur të aksidentuar (të vrarë dhe të plagosur). Ndërsa gjatë periudhës janar-korrik 2026, numri i aksidenteve rrugore është rritur me 10 %, krahasuar me të njëjtën periudhë të një viti më parë.
Gjatë muajit korrik 2026, 90,3 % e aksidenteve rrugore kanë ndodhur si pasojë e sjelljes së drejtuesve të mjeteve. Grup-mosha 25-34 vjeç paraqet numrin më të lartë të aksidenteve, duke përbërë 21,8 % të numrit total të aksidenteve të regjistruara në këtë periudhë.
Sipas INSTAT-it, numri më i lartë i aksidenteve rrugore, sipas ditëve të javës, është shënuar ditën e enjte me 18. 8 %, ndërsa numri më i ulët është regjistruar ditën e martë me 12.1 %
Rritja e numrit të aksidenteve gjatë verës shpjegohet me rritjen e numrit të mjeteve në qarkullim, si pasojë e turistëve të huaj, por edhe emigrantëve që kthehen në atdhe për pushime.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
