LIGJET E BIZNESIT
Qeveria ka përcaktuar rregullat dhe procedurat për mbylljen dhe çregjistrimin përfundimtar të shoqërive tregtare me kapital shtetëror në likuidim, si dhe mekanizmin për trajtimin, administrimin dhe kalimin e të drejtave dhe detyrimeve të tyre.
Ligji i botuar në Fletoren Zyrtare, zbatohet për shoqëritë tregtare me kapital shtetëror jo më pak se 51%, të cilat ndodhen në proces likuidimi në momentin e hyrjes në fuqi të këtij ligji.
Ndërsa, shoqëritë tregtare me kapital shtetëror që shpallen në proces likuidimi pas hyrjes në fuqi të këtij ligji vijojnë procedurat e likuidimit sipas ligjit të vitit 2008, “Për tregtarët dhe shoqëritë tregtare”, i ndryshuar.
Sa i takon procedurës së mbylljes, Asambleja e Përgjithshme e shoqërive tregtare me kapital shtetëror në likuidim vendos fillimin e procedurës së çregjistrimit sipas parashikimeve të ligjit. Të drejtat dhe detyrimet e shoqërive tregtare shtetërore në likuidim transferohen nga shoqëritë ekzistuese tek shoqëria tregtare shtetërore e krijuar, në zbatim të këtij ligj.
Pas përfundimit të transferimit të të drejtave dhe detyrimeve, Asambleja e Përgjithshme merr vendimin për mbylljen përfundimtare të shoqërive tregtare shtetërore në likuidim, si dhe autorizon çregjistrimin e tyre në Qendrën Kombëtare të Biznesit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pas përfundimit të transferimit të të drejtave dhe detyrimeve, shoqëritë tregtare me kapital shtetëror në likuidim çregjistrohen nga Qendra Kombëtare e Biznesit.
Për qëllime të çregjistrimit, në Qendrën Kombëtare të Biznesit depozitohen: vendimi i Asamblesë dhe pasqyrat financiare të mbylljes së shoqërisë në likuidim dhe më pas kryhet çregjistrimi.
Sipas ligjit, paralelisht, për administrimin, trajtimin dhe menaxhimin e aseteve e të detyrimeve të mbartura, krijohet shoqëria tregtare shtetërore “Operatori i Shoqërive Shtetërore” sh.a. Aksionari i vetëm i shoqërisë është Ministria e Ekonomisë. Konkretisht, Shoqëria do të bëjë administrimin e aseteve të transferuara; shitjen ose privatizimin e tyre, sipas legjislacionit në fuqi, me qëllim shlyerjen e kreditorëve. Për shitjen apo privatizimin e aseteve që mund të kenë rëndësi strategjike apo mund të cenojnë sigurinë kombe tare paraprakisht merret miratimi nga ministritë përgjegjëse.
Shoqëria do të ketë si objekt veprimtarie gjithashtu arkëtimin e detyrimeve debitore si dhe sistemimin në kontabilitet të detyrimeve debitore dhe kreditore të parashkruara ose të pakërkueshme.
Shoqëria shtetërore pasuese krijohet me kohëzgjatje të përcaktuar deri në përfundimin e proceseve të administrimit dhe shitjes së aseteve, arkëtimit të kërkesave dhe shlyerjes së detyrimeve të transferuara dhe më pas i nënshtrohet et procedurës së likuidimit.
