LIGJET E BIZNESIT
Teksa vetëm pak ditë na ndajnë nga nisja zyrtare e fushatës elektorale për zgjedhjet vendore të 14 majit, ajo që bie në sy është se si opozita ashtu edhe shumica qeverisëse po bëjnë premtime që jo edhe aq “lokale”.
Të ftuar në A2 Business të gazetares Aurora Sulce, ekspertë të ekonomisë shprehen njëzëri që premtimet për këto zgjedhje duhej të ishin të një niveli komunitar.
Për deputeten e Partisë Demokratike, Sorina Koti prej 30 vitesh tashmë, politika shqiptare nuk po mundet t’i shmanget këtyre qasjeve.
“Kryeministri e ka prishur komplet rregullin e të bërit fushatë, pasi këto janë premtime elektorale që nuk mund të bëhen 4 muaj përpara ditës së votimit. Kryeministri po abuzon me pushtetin e vet për të premtuar rritje pagash.”
Ndërsa, Merita Toska, eksperte për Financat Vendore thekson se i vetmi premtim që i përshtatet këtyre zgjedhjeve është ai për transportin publik falas që po premtohet në një nga palët.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Pjesa tjetër nuk janë kompetenca të bashkive,” shton ajo.
“Po bëjmë një fushatë elektorale e një qeverie qendrore shumë të fortë që në një farë mënyre po abuzon me pozicionin dominant që ka. Nuk po u lënë mundësi kandidatëve që të thonë diçka më shumë në drejtim të komunitetit për ato që i prekin nga afër.”
Ndërsa, Agron Haxhimali thekson se gjuha e kandidatëve për kryetarë bashkie duhej të ishte ajo e një politikani që është këshilluar mirë.
“Protagonizëm kryesor duhet ta kenë politikat lokale. Për sa kohë eklipsohet në mënyrë të tillë, i bie vlera edhe fushatës elektorale.”
