Rama premtim pensionistëve nga Elbasani: Mos dëgjoni thashethemet, gati mbështetja tjetër sociale

Rama premton mbështetje sociale për pensionistët. Deklarata është bërë nga Elbasani, ku kryeministri ndodhet me rastin e Ditës së Verës.

“Më vjen mirë që në pragun e kësaj stine kemi disa lajme të mira për ata që punojnë dhe që besojnë te puna. Duke filluar nga paga minimale që përtej të gjitha programeve elektorale të të gjitha partive për këtë mandat, dhe përtej parashikimeve më optimiste është e mundur sot që të ngrihet në 40 mijë lekë. Zbatimi është duke filluar nga prilli për të gjitha kompanitë, në shtet dhe në privat. Kemi gati edhe projektligjin për të mbajtur premtimin e dhënë që nuk do të ketë më tatim fitimi për pagën deri në 50 mijë lekë të reja.

Pensionistëve dua t’u them se përtej të gjitha thashethemeve, të përditshme të politikës dhe mediave: nuk e kemi harruar premtimin për t’u shpërndarë një tjetër mbështetje speciale”, ka deklaruar Rama.

Fondi për pensionistët do të sigurohet nga taksa e jashtëzakonshme mbi kompanitë që eksportojnë energji, e cila do të nisë të mblidhet në prill dhe më pas, një pjesë e saj do të shpërndahet për këtë kategori.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern