“Syri sheh atë që do mendja” Mbështetësit e Berishës e gjuajtën me vezë, reagon Lulzim Basha

Pas bashkëbisedimit që pati sot me gratë demokrate në kuadër të procesit zgjedhor të LDGSH, Lulzim Basha ka dhënë një prononcim të shkurtër për mediat.

Ai u pyet edhe për “pritën” që i organizuan mbështetësit e ish-kryeministrit Sali Berisha para këtij aktiviteti, të cilët madje e gjuajtën dhe me vezë.

Kryedemokrati Basha u shpreh shkurtimisht se: ‘syri sheh atë që do mendja’, ndërsa ka vijuar më tej komentin për aktivitetin e zhvilluar.

Pyetje: Zoti Basha kështu do vijoni ta drejtoni PD me demokratët që ju ndjekin me protesta ngado?

Basha: Syri sheh atë që do mendja, ndjen atë që do. Shpresoj ta keni ndjekur aktivitetin se ka qenë me gratë dhe shumica e gazetareve këtu janë gra, se gratë do jenë pjesë e ringritjes së fuqishme jo vetëm e PD, por edhe Shqipërisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se, para se të zhvillonte takimin e sotëm me gratë dhe vajzat e Lëvizjes Demokratike të Gruas, mbështetësit e Berishës i kanë bërë ‘pritë’ Bashës jashtë lokalit ku ata ndodheshin.

Videon e këtij momenti e ka ndarë në rrjetet sociale edhe ish-kryeministri Sali Berisha.